Qarabağ yaralı yerimizdir deyirlər, yəqin ki düz
deyirlər. Buna görə də qıcıqlandırmaq məqsədilə çox ironiya-filan olmuşdu bu
yaralı yerə. Amma beləsini hələ görməmişdim. 17 mayda Qarabağ Azadlıq Təşkilatının
nümayəndəsi bizi 18 mayda Laçının işğal gününü qeyd etməyə çağırdı.
Necə? Şəhidlər Xiyabanını ziyarət edəcəkmişlər.
Xub. Sonra? Qayıdıb şəhərdə tir
atacamışlar!!!????....,,,,,,,,rjfneicneilcn34ejicnel6354cvül5evn”Ⅶ;%:?*İAHD
Nə deyim, nə reaksiya verim, bilmirəm. Hansı durğu
işarəsindən, hərfdən-zaddan istifadə edim bilmədim.Adamın yadına Fələstin
Azadlıq Təşkilatı düşür. Bu təşkilatları “müqayisə” ediblər bir ara mətbuatda.
Ona görə uzun demək istəmirəm.
Mən terrora-zada haqq qazandırmıram, müharibəyə
nifrət edirəm, humanistəm – zırt-bırt.
Amma məsələ burasındadır ki, FAT silah əlində
döyüşür, hücum edir, müdafiə olunur, əhalini qoruyur və ya qırır, raket atır,
güllə atır, bomba atır, amma tir atmır.
İndi tələb olunan 1967 sərhədləri ilə Fələstinə
düşən bütün ərazi bizim işğal olunmuş ərazidən balacadır. FAT bu ərazini azad
etmək üçün ciddi olaraq (haqlı və ya haqsız) iş görür. QAT isə özünə o boyda
zırıltı ad qoyub, o boyda ərazini hədəf seçib ... TİR ATIR.
Comments
Post a Comment