Biz 90-ların uşaqlarıyıq




- “Turbo” saqqızlarını valideynlərimiz qaynar suya salırdılar ki, qurdları çıxsın. Kimsə satılan maların keyfiyyətinə inanmırdı.
- Cəlilabada İrandan mal gəlirdi, hər məhlədə qoçaq arvadlar (bəzən də kişilər) gedib Cəlilabad bazarından mal gətirib satırdılar. O vaxt Cəlilabad malı rəngarəngliyi, çoxçeşidliliyi ifadə etsə də, keyfiyyətsizliyi ilə fərqlənirdi. Lakin 70 ilin bomboz imperiyasından çıxan bədbəxt insanlar uşaq oyuncağı kimi qidanın da rəngbərəngini alırdılar.
- Müharibə dövründə olduğumuzu göstərən əsas məsələlərdən biri çörək növbələri idi.
- Müharibənin mundarlıqlarından biri 90-ların uşaqlarının demək olar ki, gündəlik meyit görərək böyüməsi idi. Cəbhədən tez-tez gənclərin meyitləri gəlirdi. Hər gün bir evdə şivən qopur, bir müddət bir soyad daşıyıcısı olan qadınlar üz-gözü cırılmış gəzirdilər.